AUA Papiamento   ENG English  

Seguro pa Brommer

Seguro pa Brommer


E meta di e seguro aki ta pa garantisa esun perhudica pa accidente di trafico mas tanto posibel derecho riba pago pa e daño cu el a sufri, e seguro aki ta un obligatorio pa Ley(L.A.M.)


Aki bao ta sigui algun puntonan importante pa cu e seguro aki:

1. Pa aplica pa e seguro di motocicleta bo mester tin rijbijs “A”.

2. Pa un ATV of mihor conoci como quad bo mester di un rijbewijs “B”.

3. E seguro ta cubri daño cu e chofer di e motocicleta sigura por causa na un otro persona of propiedad, te maximo e suma stipula den bo polisa.

a. Pa Ley (L.A.M.) esaki ta Awg.90,000.00, nos ta desconseha nos clientenan e cobertura aki mirando cu e gastonan cu ta envolvi den un accidente e ultimo añanan a subi drasticamente y hopi biaha ta surpasa e suma aki. Compania di seguro ta paga e ora ey te Awg.90,000.00 y e resto e asegurado mester paga. Nos ta conseha nos clientenan pa cuminsa ci Awg. 150,000.00 y purba pa subi esaki manera bo por pa Awg.300,000.00 cu ta un suma mas realistico.

4. E pasahero cu ta riba e motocicleta no tin cobertura.

5. Den caso di un acidente di trafico, semper mester yama Polis. Tambe mester yama Road Service di e compania di seguro. Si no yama Polis Compania di seguro no ta acepta bo claim.

6. Si bo motocicleta a causa daño na otro(tercera) bo mester bin haci un claim serca nos cu e chofer cu a causa e daño. Pa entrega un claim bo tin mester di:

a. Rijbewijs di e chofer cu a causa e daño.

b. Bo papelnan di seguro.

c. E formulario cu Road Service a duna bo.

7. Si bo bende bo motocicleta bo no por bende cu e seguro. Bo mester trece e certifcado di seguro pa os pa nos manda esaki bek pa e compania pa cancelashon. Si no debolbe e certificado y e motocicleta ta envolvi den un accidente, abo ta keda responsabel pa e daño.




10. E Ley Obligatorio tambe ta stipula cu pa cada accidente unda bo ta culpabel bo mester paga un propio riesgo(eigen risico) di Awg. 150.00 Excepcion pa cu esaki ta:

a. Ora e chofer tin menos di 23 aña compania di seguro ta hisa e propio riesgo aki of ora e chofer tin menos di 5 aña cu rijbewijs.

b. Ora e chofer no ta menciona riba e polisa compania di seguro tambe ta hisa e propio riesgo aki. Ta pesey ta importante pa bo menciona e chofernan cu ta maneha bo motocicleta riba bo polisa.

11. E Ley Obligatorio(L.A.M.) tambe ta duna e asegurado e derecho pa bai directamente na e compania di seguro di esun responsabel si esaki no cumpli cu su deber. Den e caso aki abo(esun perhudica) mester paga e Awg.150.00 y ora esun cu a causa e daño paga esaki na su compania bo ta haye e suma aki bek.

Segun condicionnan di e polisa, compania lo no cubri dañonan causa- entre otro- pa e siguiente motibonan:

a. Si e persona cu a causa e daño no tin un rijbewijs valido.

b. Si e persona ta bao influencia di alcohol, y /of droga.

c. Si ta pusta of hop cu e motocicleta.

E ta posibelpa haya un seguro “All Risk” pa bo motocicleta, aunke mester remarka cu no ta tur compania ta ofrece e cobertura aki.

Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.

Si tin pregunta? Haci uso di nos formulario.