AUA 
ENG 
Seguro pa Auto
Awendia ta imposibel pa cuminsa un negoshi sin cu bo sigura bo inversionnan. Den comercio seguro ta un factor cu bo no por sin dje.
Pa seguronan comercial compania di seguro tin exigencianan mas estricto. Ora ta aplica pa un seguro bo mester bin cu bo inscripcion di Camara di Comercio, y un identificacion valido di e personanan menciona den e registro.
Pa un seguro di auto ta importante pa menciona e siguiente factornan ora di cera e seguro:
• Indica si bo ta bai tin un trailer na e auto.
• Indica si bo ta bai transporta carga.
• Indica si bo ta transporta hende contra pago.
• Indica e cantidad di hende cu e auto por transporta.
• Mester tin e permisonan cu DOPV(Directie Openbaar Personen Vervoer) ta requeri.
Fuera di seguro di auto obligatorio bo por haya un cobertura cu nos ta yama W.A. Plus pa bo auto basta cu e no tin mas di 8 aña. E seguro aki ta cubri :
• Cobertura cu ta segun e Ley Obligatorio (L.A.M.) • Candela
• Ladronicia of Joyriding • Explosion
Cada compania ta añadi un of mas cobertura na e seguro aki pero basicamente esakinan tur compania ta ofrece.
Bo tin e posibilidad pa haya un seguro
“completo” conoci bao di e number
“All Risk”. E ta importante pa remarca cu aunke e nomber ta sugeri cu tur daño ta cubri, esaki no ta e caso.
E cobertura aki ta cubri e parti di e Ley Obligatorio (L.A.M.) pero tambe e ta cubri daño na bo auto sea cu bo ta culpabel of no. Ora di un “total loss” e compania lo aplica depreciacion cu ta lo siguiente:
a. 1 aña >30%
b. 2 aña >20%
c. 3 aña >15%
d. 4 aña bai abao ta > 10%
Tur seguro di auto comercial ta acumula pa aña 10 % di descuento si e cliente no a ocasiona un accidente durante e aña. Algun compania ta permiti e descuento aki yega te na 60% pa un seguro di Tercera Parti. Cu un seguro cu un cobertura di “All Risk” esaki por bai te cu 70% di descuento. Cada compania ta competi ariba e condicion aki cu ta duna e cliente diferente opcion pa scoge.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
