Seguro di Responsabilidad pa Empresanan
Awendia ta imposibel pa cuminsa un negoshi sin cu bo sigura bo inversionnan. Den comercio seguro ta un factor cu bo no por sin dje.
Pa seguronan comercial compania di seguro tin exigencianan mas estricto. Ora ta aplica pa un seguro bo mester bin cu bo inscripcion di Camara di Comercio, y un identificacion valido di e personanan menciona den e registro.
Como comerciante bo por ser poni responsabel pa cierto incidentenan cu por pasa den bo negoshi. E seguro aki ta yuda den esaki. E tarifa cu bo ta paga ta depende di ki tipo di negoshi bo tin. Pa yega na e suma segura bo mester entrega e salario annual di bo negoshi y e volumen di benta annual.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
ENG 
