Seguro Contra Perdida di Ganashi
Awendia ta imposibel pa cuminsa un negoshi sin cu bo sigura bo inversionnan. Den comercio seguro ta un factor cu bo no por sin dje.
Pa seguronan comercial compania di seguro tin exigencianan mas estricto. Ora ta aplica pa un seguro bo mester bin cu bo inscripcion di Camara di Comercio, y un identificacion valido di e personanan menciona den e registro.
E seguro aki ta duna cobertura ora bo negoshi sufri daño cu bo tin sigura y no por sigui funciona. Ora algo asina pasa como comerciante bo mester sigui paga bo empleadonan, bo creditornan, belasting etc.
Pa haya sa kiko ta e suma cu bo mester sigura bo mester sa bo ganashi netto y tur bo gastonan fijo.
Bo administracion mester cumpli cu cierto exigencianan pa e seguo aki por ser acepta.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
ENG 
