AUA 
ENG 
Seguro pa Cas
Bo cas ta un inversion serio y ta duna bo famia un seguridad riba nan cabez. Cumpra of traha un cas no ta algo cu nos ta haci hopi bez den nos bida, pero ora nos hacie e ta un inversion costoso. Balor di cas a subi drasticamente den e ultimo añanan debi na e costo di material y sueldonan den construccion. Pesey e ta importante como doño di cas pa tin un seguro cu ta proteha bo inversion den caso di un of otro calamidad.
Ora nos ta papia di calamidad esaki por ta:
• Candela • Temblor
• Lamper • Horcan of mal tempo
• Vandalismo • Daño dor di vehiculo
• Explosion • Robo
Dependiendo di bo situashon bo por scoge un cobertura cu bo por carga financieramente. Hopi biaha nos por pensa cu un seguro pa nos cas ta caro pero si bo tin un cas cu un balor di Awg.100,000, un cobertura pa candela so ta sali bo Awg, 125.00 pa aña.
Una bez cu bo tin un seguro pa bo cas ta importante pa corda ajusta esaki ora bo haci cambionan, manera bo a traha un porch acerca, bo a traha un garashi of bo a cuminsa cu un nehoshi na cas. Tur e cambionan aki tin un efecto riba bo seguro. E ta importante pa no lubida pa notifica bo broker riba cambionan haci na bo cas of cambionan den e uso di bo cas pa asina e suma asegura y e uso di e cas ta corectamente menciona riba bo polisa. Esaki ta percura cu compensacion corecto por ser haci.
Un bez pa aña ta recomendabel pa pasa over di bo seguro pa asina ta sigur cu loke ta menciona riba e polisa ta cuadra cu e realidad.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
