AUA ENG

Seguro di Bida

Seguro Combina di Spar y Riesgo

Spar placa ta algo importante den bida. Tin asina hopi razonnan cu nos por scoge pa hacie esaki. Nos ta spar pa e siguridad di famia, si algo repentino mester pasa, bo ta spar pa ora bo baha cu pension, y asina nos cada un tin nos mes un motibonan pa spar. E ta un realidad si cu sparmento no ta algo facil pa haci.

Nos por scoge pa spar via banco of tambe na un compania di seguro. Spar na un compania di seguro tin tres ventaha riba sparmento na banco:

1. Cerca un compania di seguro bo tin un cobranza mensual, na un banco e ta keda na bo escogencia si bo ta pone placa den bo buki.

2. Si durante e periodo cu bo ta sigura bo mester fayece prome cu e tempo stipula den bo polisa, bo famia ta ricibi e suma completo cu bo tin sigura. Na un banco nan ta duna bo solamente loke bo tin gespar y e interes accumula.

3. Compania di seguro tin un interes mas halto cu banco.

E seguro aki ta laga bo scoge e suma cu bo ta desea di sigura y tambe e periodo. Ora bo tempo stipula yega bo ta ricbi e suma asegura y e interes cu esaki a accumula.

Seguro di Riesgo

E seguro aki ta cubri solamente si bo fayece den e periodo cu tin stipula den e polisa. Si bo ta na bida ora e tempo aki yega bo no ta haya ningun beneficio di e polisa. E seguro aki mas tanto bez ta ser tuma ora bo tin un hypotheek riba bo cas, y e beneficiario ta e banco cu a fia bo e placa. E ta duna bo famia e seguridad cu si bo no tey mas bo debenan ta ser elimina y bo famia ta keda mas trankil.

Seguro di Entierro

Esaki ta un seguro esencial pa cada famia. Nos tur sa cu nos mester bai laga e mundo aki. Un entierro awendia ta costa basta placa y e bon di seguro di entierro ta cu bo por page pa luna pa un suma hopi abao. E ta e responsabilidad di cada un di nos pa no pone mas tristesa riba nos famianan door di laga nan carga e peso financiero di un entierro.

Algun di e beneficionan cu e seguro aki ta ofrece ta:

• Muchanan te cu 18 aña ta sigura hunto cu nan mayornan gratis.

• Escogencia liber di funeraria.

• Abo ta dicidi den cuanto tempo bo kier keda cla cu e seguro aki.

• Abo ta dicidi e suma cu bo ta desea di sigura.

Seguro di Pensioen

Cuminsando 1 Januari 2012 gobierno di Aruba a introduci e Ley di Seguro di Pensioen Obligatorio . E Ley aki ta stipula cu e doño di trabow tin e obligacion pa sigura su trahadornan. E Ley aki ta garantisa cu ora bo yega e edad di pensioen bo tin un entrada, mirando cu bo entrada regular di bo trabow ta stop.

Mester ta consciente cu e seguro di Pensioen no ta mes halto cu bo entrada cu bo tawatatin ora bo ta traha. Pesey nos ta conseha cu banda di bo seguro di Pensioen bo percura pa tin un seguro di spar cu ta yuda bo tin mas entrada ora bo baha cu pensioen.