Seguro pa Edificio Comercial
Awendia ta imposibel pa cuminsa un negoshi sin cu bo sigura bo inversionnan. Den comercio seguro ta un factor cu bo no por sin dje.
Pa seguronan comercial compania di seguro tin exigencianan mas estricto. Ora ta aplica pa un seguro bo mester bin cu bo inscripcion di Camara di Comercio, y un identificacion valido di e personanan menciona den e registro.
Un seguro pa bo propiedad comercial ta proteha bo inversion y bo por scoge for di un cobertura di candela so te na un cobertura extensivo.
Loke ta determina e tarifa pa e seguro ta e tipo di negoshi cu tin den e propiedad.
Tur compania di seguro ta traha cu reglanan of exigencianan cu nos Departamento di Brandweer tin como exigencia pa edificionan comercial.
Tin compania ta exigi cu mester tin un systema di alarma instala cu ta conecta cu un compania di siguridad. Otro medida preventivo cu nan por pidi ta por ejemplo traliewerk.
Na lugarnan estrategico mester tin brandblusapparaat, cu un contract di mantencion.
Compania di seguro ta haci inspeccion un bez pa aña of cada dos aña y ta duna recomendacion pa asina ora tin un daño no encontra problema.
Asina cu e uso di e edificio cambia mester notifica compania di seguro, e riesgo ta cambia y esaki tin consequencianan pa cu e cobertura.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
ENG 
