AUA 
ENG 
Seguro pa bo Mobilario
Hopi biaha nos ta bisa cu nos muebles nan no ta asina importante manera un cas, pero e ta keda un inversion cu bo a haci y bo mester protehe. Cu muebles nos kier meen tur cos cu ta movibel den bo cas. E ta importante pa sa si un calamidad presenta bo ta proteha.
Ora nos ta papia di calamidad esaki por ta:
• Candela • Temblor
• Lamper • Horcan of mal tempo
• Vandalismo • Daño dor di vehiculo
• Explosion • Robo
Manera tempo ta pasa nos ta reemplasa nos mueblesnan, nos ta añadi mas aserca, nos cas a bira mas grandi, of nos a bai biba den un cas mas chiquito, hasta nos por a cuminsa cu un hobby cu ta costoso. Tur e factornan aki tin un efecto riba bo seguro. Mester avisa bo broker di e cambionan aki pa bo seguro ta al dia pa ora un calamidad presenta bo suma asegura y descripcion di e contenido ta corecto. Esaki ta percura pa un compensashon debido ta ser haci.
Compania di seguro ta pidi tur cliente pa tin un lista unda e contenido di nan cas ta specifica. Tambe nan ta pidi pa saka potret di e articulonan cu ta costoso, e recibonan di compra tambe ta ser pidi ora di un claim.
Nos ta recomenda pa pasa riba bo polisa un bez pa aña pa percura cu bo contenido di cas ta cuadra cu loke bo polisa ta menciona.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
