Transporte di Mercancia
Awendia ta imposibel pa cuminsa un negoshi sin cu bo sigura bo inversionnan. Den comercio seguro ta un factor cu bo no por sin dje.
Pa seguronan comercial compania di seguro tin exigencianan mas estricto. Ora ta aplica pa un seguro bo mester bin cu bo inscripcion di Camara di Comercio, y un identificacion valido di e personanan menciona den e registro.
Tur loke bo ta importa por ser sigura pero tambe e mercancia cu ta ser transporta lokalmente tambe. E seguro aki por ser sera pa aña ora bo ta ricibi carga regularmente.
E siguiente puntonan ta importante:
• E tipo di mercancia.
• Con e mercancia ta empaqueta y e volumen.
• E trajecto.
• E moda di transporte, si ta via laman e nomber di e barco.
• Dia di salida.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
ENG 
