Seguro Inventario Mercancia
Awendia ta imposibel pa cuminsa un negoshi sin cu bo sigura bo inversionnan. Den comercio seguro ta un factor cu bo no por sin dje.
Pa seguronan comercial compania di seguro tin exigencianan mas estricto. Ora ta aplica pa un seguro bo mester bin cu bo inscripcion di Camara di Comercio, y un identificacion valido di e personanan menciona den e registro.
Bo inventario y mercancia ta e nucleo di bo negoshi. Akinan tambe bo por haya un cobertura contra candela so te na un cobertura extensivo.
Tur compania di seguro ta traha cu reglanan of exigencianan cu nos Departamento di Brandweer tin como exigencia pa edificionan comercial.
Tin compania ta exigi cu mester tin un systema di alarma instala cu ta conecta cu un compania di siguridad. Otro medida preventivo cu nan por pidi ta por ejemplo traliewerk.
Na lugarnan estrategico mester tin brandblusapparaat, cu un contract di mantencion.
Compania di seguro ta haci inspeccion un bez pa aña of cada dos aña y ta duna recomendacion pa asina ora tin un daño no encontra problema.
Como cu ta trata aki di mercancia y inventario ta di vital importancia pa ajusta e sumanan asegura, mirando cu un negoshi por cuminsa cu un cantidad di mercancia chiquito pero na manera cu e negoshi crece esaki tambe ta bira mas hopi. E tipo di mercancia tambe ta importante pa menciona, pasobra un negoshi por expande su variedad di producto. Esaki ta evita desgusto ora di un daño, unda cu loke ta menciona riba e polisa no ta cuadra cu loke bo tin den bo negoshi.
Tuma nota, cu cada compania tin nan mes un maneho, cual ta varia. Pesey e informacion cu nos a duna ta sujeto na cambio dependiendo di bo polisa di seguro vigente.
ENG 
